Дарон Медицина нуди Кардио Рехабилитација Фаза 2 според регулативите и протоколите на Американската Срцева Асоцијација. Целта на Фаза 2 рехабилитацијата е зајакнување на срцевиот мускул и продолжување на животот на пациентот со повисок квалитет, поквалитетна исхрана и повисока психофизичка енергија.
Kaj кого треба да се употребува Кардиолошка Рехабилитација?
Постоперативни кардиолошки пациенти, пациенти со ангина пекторис, пост ангиопластика (стент), пост акутен инфаркт, пост вградување на пејсмејкер.
Кога се започнува со Кардио Рехабилитација Фаза 2 и што e содржината?
Според Американската Срцева Асоцијација најидеално е да се започне 14 дена после операцијата или кардиолошкиот инцидент. Фаза 2 од кардио рехабилитацијата трае 12 недели. Секоја терапија (третман) трае еден час и се оддржува два пати неделно.
Континуирано следење на притисокот и користење на формули за индивидуално пресметување на активностa на дишниот апарат и срцевиот мускул.
Под директен надзор на доктор специјалист по физикална медицина и рехабилитација (физијатар) се води започнување на вежби. Соодветно на прогресот пациентите чувствуват зголемена снага, подобрување во дишењето и подобра психофизичка состојба.
Континуирано следење на срцевиот ритам се следи со индивидуални полариметри кои што претходно се адаптираат за соодветната дијагноза, физиолошката состојба на пациентот и планот за прогрес.
Докторот специјалист води комплетна нутриционистичка евалуација и континуирано следење на менување на навиките на пациентот. Во овој процес е вклучен и планот за престанување на пушење (одвикнување).
Остеопатската медицина е нежна и многу ефективна американска метода за ослободување на затегнатите ткива, подобрување на протокот на крвта и лимфата. Оваа метода го смирува автономниот нервен систем и помага за подобро користење на дијафрагмата.
Вежби за медитација и релаксација помагаат за подобра интеграција во реалниот секојдневен живот. Овие вежби придонесуват за невромускулна ре-едукација за правилно користење на дишниот апарат и само-смирување на автономниот нервен систем.
Прогресот го комуницираме континуирано со референтниот кардиохирург или кардиолог-интернист преку писма и e-mail контакти се со цел да го прикажат прогресот на пациентот.
